«Вест Хэм» бош мураббийи Славен Билич жамоа ярим ҳимоячиси Димитри Пайетга бошқа жамоалардан бўлаётган қизиқиш борасида фикр билдирди.
«Бошқа жамоалардан Пайетга бўлаётган қизиқиш ҳақида нима дейишим мумкин? Биласизми, «Вест Хэм» ўйинчилари бўйича таклифлар менинг қўлимга келиб тушмайди. Мен ҳам бу янгиликлардан, худди бошқалар каби, газеталар орқали бохабар бўламан», — деди Билич.
«Агар Димитрига ҳеч қандай таклиф тушмаётган бўлса, бундан, албатта, жуда ҳайрон бўлган бўлардим. Унга «Вест Хэм» ёқади, шунга қарамай, трансфер ойнаси тезроқ ёпилишини истардим», — дея қўшимча қилди Билич.
