ПСВ марказий ярим ҳимоячи нуқтасига янги футболчи излаш билан банд.
Марко ван Гинкел жароҳати сабаб ПСВга қўшилишдан бош тортгани сабаб, Голландия клуби энди «Манчестер Юнайтед»дан Андреас Перейрани қайтариш пайида.
ПСВ ўтган мавсум ҳам ўз тарбияланувчисини ижарага олиш истагини билдирган эди, бироқ «МЮ»нинг ўша вақтдаги бош мураббийи Луи ван Гал бунга рухсат бермаган эди.
Бу мавсум эса «МЮ» бош мураббийи Жозе Моуринью Перейрани жамоани тарк этадиган футболчилар рўйхатига қўшиб қўйган.
Перейра 2012 йил январида ПСВдан «Манчестер Юнайтед»га ўтган эди. 20 ёшли бельгиялик шу вақтгача «МЮ» таркибида 13 ўйинда майдонга тушган ва 1та гол урган.
