«Эвертон» клубининг собиқ ҳимоячиси Жон Стоунз «Манчестер Сити» клубига ўтиши муносабати билан ўз фикрларини баён қилди. Унинг трансфер нархи 55 миллион евро атрофида бўлди.
«Сити»га ўтганимдан жуда хурсандман, фаолиятимдаги янги даврни бошлаяпман. «Манчестер Сити» - катта мақсадларга эга клуб, бу ерда ажойиб мураббий ишлаяпти. Жамоага тезроқ киришиб кетиб, унга ёрдам бериш учун ҳаракат қиламан.
Бу ердаги рақобат даражасини тушуниб турибман, бироқ бор кучимни ишга солиб, жамоам ғалабаси учун ўйнайман. «Эвертон»да ажойиб даврни ўтказдим, уларга рахмат айтаман. Энди «Сити» учун жон куйдираман» - деди Стоунз клуб матбуот хизмати хабарида.
