«Интер»нинг янги бош мураббийи Франк де Бур жамоа ва янги мавсум ҳақида ўз фикрларини баён этди.

«Менга берилган имконият учун «Интер»дан миннатдорман. Тезроқ ишга киришиб, ўзимни кўрсатмоқчиман. Клубдаги вазият яхшимас, лекин бизда қобилиятли ва тажрибали футболчилар кўп. Мен жуда кўп ёш футболчиларни тарбиялаганман, бироқ тажрибали футболчилар билан ҳам ишлаб кета оламан. Одатда мураббий алмашгач, жамоалар қишки танаффусдан сўнг янги услубда ўйнай бошлашади, аммо биз буни тезроқ амалга оширишиз керак.

Вазифамнинг муҳим қисми – ёшлар жамоасидаги футболчиларни кузатиб бориш, уларни таркибга жалб қилиш бўлади. «Ювентус»? Иложсиз нарса ва мағлубиятга учратиш мумкин бўлмаган жамоа йўқ. Ҳозирча ҳеч кимни сотмаймиз, шу жумладан Икардини ҳам. Турли услубларда ўйнаб кўрамиз», – деди Франк де Бур.