"Реал" бош мураббийи Зайниддин Зидан УЕФА Суперкубогида "Севилья" устидан қозонилган ғалабадан сўнг (3:2) фикрлари билан ўртоқлашди.

Асенсионинг ўйини ҳақида

Марко идеал ўйин ўтказди, бу гол ургани учун эмас. У ўйнаши керак бўлса, яхши ўйнайди, унинг бугунги ишидан мамнунман. У биз билан қолади - менинг режам шундай.

Ўйин ҳақида

Совринга эришганимиздан хурсандмиз. Ғалабага ҳақли эдикми, билмайман. Бугун "Севилья" яхши ўйнади.

Модрични бугун асосий таркибга туширмасликка қарор қилдим, чунки у 90-120 дақиқа ўйнай олмаслигини ўйлайдим.

Голдан олдин Рамосга берилган кўрсатмалар ҳақида

Рамос ҳар доим натижа келтиради. Ўйин тугашига оз қолган эди, мен унга ҳужумга ўтишини айтдим. Натижада у керакли жойда пайдо бўлди.