Англиянинг «Вест Хэм» клуби бош мураббийи Славен Билич янги мавсумда жамоа ўз натижаларини яхшилашидан умидвор эканини маълум қилди. Ўтган мавсумда «болғачилар» 7-ўринни эгаллаб, Европа лигаси йўлланмасини қўлга киритганди.
«Олдинда бизни бошқача мавсум кутмоқда. Янги стадионга кўчиб ўтдик, бу яхши. Ҳар бир клубнинг умид ва орзулари бор, ҳамма янги мавсумда яхшироқ иштирок этишни истайди.
«Вест Хэм» ўтган йилга нисбатан ўйинини яхшиламоқчи. Ҳар бир ўйинга пухта тайёргарлик кўрамиз, рақибга нисбатан ҳурматда бўламиз. Бу кибр эмас, аммо бошқалардан қўрқмаймиз. Хоҳлаган жамоага қарши яхши ўйин намойиш эта оламиз» - деди Билич клубнинг матбуот хизмати хабарида.
