Ҳужумчи Тим Кэхилл фаолиятини «Мельбурн Сити» клубида давом эттиради, деб хабар бермоқда Австралия клубининг матбуот хизмати.
Кэхилл уч йиллик шартномага имзо чекди. Қизиғи шундаки, дастлабки 2 йилни у футболчи, кейин эса мураббий сифатида ўтказади. У 17-рақам остида тўп суради.
36 ёшли футболчининг сўнгги клуби «Ханчжоу Гринтаун» бўлди. Фаолиятининг асосий қисмини «Эвертон»да ўтказиб, 278 ўйинда 68 гол урди. Тим «Сидней» клубининг тарбияланувчиси ҳисобланади. У 19 йил олдин Австралияни тарк этганди.
