Бугун Россия терма жамоаси бош мурабийи вазифасига тайинланган Станислав Черчесов 2018 йилда Россияда бўлиб ўтадиган Жаҳон чемпионатига вазифалар ҳақида фикр юритди.
"Бу масалани муҳокама қилдик. Ижроқўмда мен ўз олдига юксак вазифаларни қўйган жамоаларда ўйнаганимни айтдим. Мусобақада ҳамма ғолиб чиқишни истайди. Ғолиб чиқиш учун максимал иш бажариш керак. Аммо жаҳон чемпионатида ғолиб чиқиш вазифасини қўйиш - енгилтаклик.
Бугунги кунга вазифа - жамоада рақобатни юзага келтириш, футболчиларга ўзини кўрсатиш учун имконият бериш. Ўзини ва рақиб кучини баҳолаш тўғри. Ҳозирдан катта ваъдалар бериш нотўғри бўлар эди", - дейди Черчесов.
