Sportbox.ru эксперти Александр Бубнов Станислав Черчесовнинг Россия терма жамоаси бош мураббийи вазифасига тайинланишига муносабатини маълум қилди.
"Икки йил мақтаниш - мана келажакда бизни нималар кутмоқда. Бу ерда Игорь Лебедев Черчесов терма жамоани жаҳон чемпионати финалига олиб чиқиши мумкинлигини айтиб ўтирибди. Финалга?! Бизни кулдирманг! Бу гапдан сўнг Лионель Месси эртагаёқ матбуот анжумани ташкил қилиб, фаолиятини якунлаш ҳақида эълон қилиб юборса бўлаверади. Бечорада жаҳон чемпионатини ютиш учун охирги имконият бор эди, агар Черчесов финалга чиқар экан, у ерга бориш кераги йўқ.
Қайтараман, терма жамоадан мўъжиза кутмаяпман. Вазият яхши томонга ўзгариши учун ҳеч бир сабаб кўрмаяпман", - дейди Бубнов.
