Мадриднинг «Атлетико» клуби ҳужумчиси Борха Бастон Англиянинг «Суонси» клубига ўтди. 23 ёшли ҳужумчи «оққушлар» билан 4 йиллик шартнома имзолади, деб хабар бермоқда клуб расмий сайти.
Инглизлар футболчининг трансфери учун «Атлетико»га 15,5 млн фунт тўлашди. Натижада бу клуб тарихидаги энг қиммат трансфер бўлди.
Борха Бастон янги жамоада 10-рақамда тўп суради. Ўтган мавсумни у «Эйбар» клубида ижарада ўтказиб, 36 ўйинда 18 гол урган эди.