Олимпия ўйинларида бокснинг 69 кг. вазн тоифасида иштирок этаётган Шаҳрам Ғиёсов ўзининг турнирдаги иккинчи ғалабасини қўлга киритди.
Бухоролик спортчи нимчорак финал босқичи доирасида литвалик Эймантас Станионисга қарши жанг олиб борди. Рақиб боксчиси биринчи рақам остида ишлашга ва ҳамюртимизни таъқиб қилишга ҳаракат қилди. Аммо техника борасида кучли бўлган Шаҳрам зарбалар сони ва аниқлиги бўйича рақибини мағлуб этди. Ҳакамларнинг баҳолари — 29:28, 30:27, 30:27.
Шаҳрам Ғиёсов чорак финалда кубалик Рониел Иглесиас билан жанг қилади. Бу баҳс 13 август куни бўлиб ўтади.
