"Арсенал" бош мураббийи Арсен Венгер яқин йилларда футболчилар 150-200 миллион еврога сотилса, ажабламаслигини маълум қилди.
"Яқинда биз 150 ёки 200 миллион евролик трансферларни ҳам кўришимизга ишонаман. Футболчи қанчалик тажрибали бўлса, қиммат бўлиб бораверади. Ҳар бир бизнесда кураш бор. Даромадлар ўсмоқда, харажатлар ҳам ўсяпти. "МЮ" ва "Реал" дунёда энг бой клублар ҳисобланади, аммо биз рақобатлашишга тайёрмиз. Ҳамма ҳам молиявий жиҳатдан рақобат қила олмайди, аммо футболни пуллар ўйнамайди. Ўтган мавсумда буни "Лестер" кўрсатди", - дейди Венгер.
"Арсенал"нинг ушбу ёздаги энг қиммат трансфери Гранит Жака бўлди, унинг учун лондонликлар 34 миллион фунт тўладилар.
