«Манчестер Сити» бош мураббийи Хосеп Гвардиола «Сандерленд»га қарши АПЛ 1-тур учрашуви олдидан жамоанинг янги ўйинчилари ҳақида фикр билдирди.

«Стоунз — нафақат ҳимоячи, балки ажойиб универсал ўйинчи ҳамдир. У яхши формада, «Эвертон»нинг олти ўртоқлик ўйинида қатнашган. У ҳали жамоа билан тузук танишиб ҳам улгургани йўқ, бироқ унда яхши сезги бор, ақлли ва ўйинни яхши ўқий олади», — деди Гвардиола. 

«Сане ҳали биз билан бирга шуғуллангани йўқ, бироқ келаси ҳафтадан машғулотларга қўшилиши керак», — деди испаниялик мутахассис. 

«Отаменди ҳозир ўзини нисбатан яхши ҳис қиляпити. У тикланиб бўлди, бироқ «Сандерленд»га қарши ўйинда майдонга туша оладими-йўқми, номаълум», — деди Гвардиола. 

Эслатиб ўтамиз, «Манчестер Сити» бугун, 13 август куни Тошкент вақти билан 21:30да «Сандерленд»ни қабул қилади.