«Арсенал» ярим ҳимоячиси Жек Уилшер янги мавсумда жамоаси ўтган мавсумдаги хатоларни такрорламаслиги кераклигини таъкидлаб ўтди. 

«Устида ишлашимиз лозим бўлган бир-икки ҳолатлар бор. Мен учун энг асосийси — ўтган мавсумдаги хатоларни такрорламаслик, биздан ғалаба кутилган ўйинларда очко йўқотмаслик», — деди Уилшер. 

«Биз ҳар бир ўйинга диққат-эътибор ёндашишимиз, ҳар қандай ўйинни жиддий қабул қилишимиз керак. Ўтган мавсум «Лестер»ни ўз майдонимизда мағлуб этганимиздан сўнг, бироз хотиржамликка берилган эдик», — деди футболчи. 

«Бу мавсум бу каби хатоларга йўл қўя олмаймиз. Агар хатоларга йўл қўймасак, якунда чемпионга айланишимиз мумкин», — дея қўшимча қилди «Арсенал» ярим ҳимоячиси. 

Эслатиб ўтамиз, «Арсенал» Англия Премьер-лигаси 1-турида ўз майдонида «Ливерпуль»ни қабул қилади. Ўйин 14 август, якшанба куни бўлиб ўтади.