«Лестер» бош мураббийи Клаудио Раньери жамоасининг «Халл»га қарши мағлубиятидан сўнг, ўз фикрлари билан ўртоқлашди. 

Эслатиб ўтамиз, «Лестер» Англия Премьер-лигаси 1-турида меҳмонда «Халл»га 1:2 ҳисобида мағлуб бўлди ва АПЛ тарихида янги мавсумни мағлубият билан бошлаган илк амалдаги чемпионга айланди. 

«Рақиб яхшироқ ўйнади. Қўлимиздан келганини қилдик. Биз ақлбовар қилмас даражада уриндик, бироқ бу жамоавий эмас, балки индивидуал ҳаракатлар бўлди, холос», — деди италиялик мутахассис. 

«Лестер» ғалаба қозонишга ҳаракат қилди, бироқ баъзан бунинг уддасидан чиқиб бўлмайди. Биз бир қатор хатоларга йўл қўйдик ва энди айнан қаерда қоқилганимизни ўйлаб кўришимиз керак», — деди Раньери. 

«Бу мавсум ўтган галгисига нисбатан оғирроқ бўлишини футболчиларга айтганман. Бугун нормал ўйин бўлди. Балки, дуранг ўйин учун мос натижа бўларди, бироқ биз ютқаздик», — деди «Лестер» бош мураббийи. 

«Шу сабабли футболчиларга жипс ва кучли бўлишимиз кераклигини айтгандим. Ўтган мавсум жуда яхши жамоа эканимизни кўрсата олгандик. Яна бир бор шу ишни қилишимиз керак», — деди Раньери.