«Халл Сити» бош мураббийи вазифасини бажарувчи Майк Филан «Лестер»га қарши Англия чемпионати 1-тур учрашуви борасидаги фикрлари билан ўртоқлашди.

Эслатиб ўтамиз, «Лестер» Англия Премьер-лигаси 1-турида меҳмонда «Халл»га 1:2 ҳисобида мағлуб бўлди ва АПЛ тарихида янги мавсумни мағлубият билан бошлаган илк амалдаги чемпионга айланди. 

«Жамоанинг «Лестер»га қарши кўрсатган ўйинидан жуда хурсандман. Таркибимизда муаммолар бор, бироқ майдонга чиққан ҳар бир футболчимиз ҳар қандай мақтовдан ортиқ ҳаракат қилди», — деди Филан. 

«Биз иккинчи тайм бошида тезкор гол ўтказиб юбордик ва ўйинни бой беришимиз мумкин эди, бироқ жамоа характер кўрсатиб, ғалаба голини уришга муваффақ бўлди», — деди «Халл Сити» устози. 

«Биз ҳар сафар тўпни ўзимизда сақлашга, ишонч билан ўйнашга ва ҳеч қачон таслим бўлмасликка ҳаракат қиламиз. Бугун ҳаммаси ўхшади, бироқ бу бор-йўғи битта ўйин», — дея қўшимча қилди Майк Филан.