«Арсенал» бош мураббийи Арсен Венгер ҳимоячи Пер Мертезакернинг жамоа сардори этиб тайинланганига изоҳ берди, шунингдек, вице-сардор вазифасини ким бажаришини ҳам айтиб ўтди.
«Мертезакерни жамоада жуда ҳам ҳурмат қилишади, у жуда талабчан инсон. Пернинг сардор бўлганида ҳайрон қоларли жиҳат йўқ, деб ўйлайман», — деди «Арсенал» бош мураббийи.
«Мертезакер майдонга туша олмаган вақтда сардорлик боғичини Лоран Косельни ёки Касорла, балки, Чех тақиши мумкин. Булар тажрибали ўйинчилар. Бизда жамоадаги микромуҳитга масъул ўйинчилар гуруҳи бўлади», — деди Венгер.
«Арсенал» АПЛ янги мавсумидаги илк ўйинини 14 август, якшанба куни «Ливерпуль»га қарши ўтказади. Лондонда бўладиган ўйин Тошкент вақти билан 20:00 да бошланади.
