Сузувчи эркаклардан ташкил топган АҚШ терма жамоаси 4х100 эстафета мусобақасида финишга биринчи бўлиб етиб келди, деб хабар берди «Интерфакс».

АҚШ терма жамоаси бунда 3 дақиқа-ю 27,95 сониялик натижа кўрсатиб, Олимпиаданинг янги рекордини ўрнатди. Жамоа сафида Майкл Фелпс, Райан Мерфи, Коди Миллер ва Натан Адриан каби спортчилар бор эди.

Буюк Британия спортчиларига иккинчи поғона, Австралияга эса учинчи бўлиш насиб қилди. Россия терма жамоаси пешқадамдан 3,35 сониялик вақт билан ортда қолиб, тўртликдан жой олди.

Шу билан Рио—2016 Олимпиадасининг эркаклар ўртасидаги эстафета мусобақалари якунига етди. Майкл Фелпс бунда 23 карра Олимпиада чемпионига айланиб олишга улгурди.