«Арсенал» бош мураббийи Арсен Венгер жамоани кучайтира олмайдиган футболчиларни харид қилиш нияти йўқлиги ҳақида гапирди. У клубга янги футболчилар етишмаяпти деган танқидларга жавоб берди.

«Трансфер қилган билан ғалабалар келмайди. Сифатли футболчиларгина ўйин сифатини оширишади. Мана шунга эътибор қаратиш лозим. Айни пайтда дунёда янги футболчиларга талаб бор. Клублар бу орқали шов-шув кўтаришади, мақтанишади, гўёки катта бир иш қилгандек бўлишади. Бу эса сифатни белгилаб бермайди. Бизда ажойиб ҳужумчилар бор, улар жуда кўп голли вазиятларни ярата олишади» - деди Венгер Goal.com хабарида.