Рио—2016 Олимпиадасининг марафон беллашувларида Ўзбекистон шарафини ҳимоя қилган икки нафар спортчи қиз маррага етиб келди.
Ситора Ҳамидова 157 нафар спортчи иштирок этган турнирни 54-ўринда якунлади. Бу унинг шахсий рекорди, деб ёзди «Оламспорт». Марина Хмелевскаяга эса 77-ўрин насиб қилди.
42 километр-у 195 метр масофани 17 нафар спортчи босиб ўта олмай, финишгача етиб боролмади.
Стартга чиққан марафончилар орасида фаворит дея эътироф этилган кениялик Елагет Сунгонг олтин медални қўлга киритди. Иккинчи ўрин баҳрайнлик спортчига, учинчи поғона эса Эфиопния вакиласига насиб қилди.
