Олимпиаданинг навбатдаги кунида бир неча нафар спортчиларимиз медаллар учун кураш олиб боришади.
Каноэ, эркаклар, яккалик, 1000 метр
Герасим Кочнев "А" финалида иштирок этади. Демак, унда медаль қўлга киритиш имконияти мавжуд. Бошланиш вақти — 17:08.
Байдарка, эркаклар, яккалик, 1000 метр
Алексей Мовалов "В" финалида иштирок этади. Унда спортчилар 9-16-ўринларга ойдинлик киритишади. Бошланиш вақти — 18:04
ЕНГИЛ АТЛЕТИКА
100 метрга тўсиқлар оша югуриш, аёллар
Валентина Кибальникова саралаш баҳсларида иштирок этиб, ярим финал йўлланмасини қўлга киритишга уриниб кўради. Бошланиш вақти — 19:05.
Узунликка сакраш
Енгил атлетиканинг ушбу йўналишида Юлия Тарасова ўз омадини синаб кўради. Ҳамюртимиз дастлаб саралашда 3 марта уринишни амалга оширади. У 12 нафар энг яхши спортчи қаторига кира олса, финалда иштирок этиш ҳуқуқини қўлга киритади. Бошланиш вақти — 05:05.
БОКС
Бугун 3 нафар боксчимиз чорак финал босқичидаги жангларини ўтказишади. Демак, бугунги ғалабалар Ўзбекистон делегациясига навбатдаги медалларни кафолатлайди.
20:15. 64 кг. Фазлиддин Ғоибназаров — Гэри Рассел (АҚШ)
01:45. 56 кг. Муроджон Аҳмадалиев — Алберто Эзекьел Мелиан (Аргентина)
02:45. +91 кг. Баҳодир Жалолов — Жое Жойс (Буюк Британия)
Оғир атлетика, эркаклар, +105 кг.
Энг оғир вазнда икки нафар атлетимиз иштирок этади. Рустам Жангабаев иштирокидаги "В" гуруҳи баҳси 23:30да, Сардорбек Дўстмурадов иштирокидаги "А" гуруҳи мусобақалари 03:00да старт олади.