Рио Олимпиадасида оғир атлетика спорт тури бўйича +105 кгда иштирок этаётган қорақалпоғистонлик Рустам Жангабаев олимпия ўйинларидаги иштирокини бугун "В" гуруҳида Тошкент вақти билан 23:30да бошлайди.
Рустам Жангабаев ҳақида маълумот
Жангабаев Рустам Қосимжон ўғли 1993 йилнинг 25 август куни Қорақалпоғистон Республикаси Тахиатош шаҳрида туғилган.
Ажиниёз номидаги Нукус давлат педагогика институти талабаси.
Олий таълим муассасалари талабалари ўртасида бўлиб ўтган “Универсиада-2016” спорт мусобақалари ғолиби.
Ёшлигидан спортнинг оғир атлетика тури билан мунтазам шуғулланиб келган. Биринчи устози А.Нуруллааев.
Жорий йилда Тошкент шаҳрида ўтказилган Осиё чемпионатида даст кўтаришда 185 кг, силтаб кўтаришда 240 кг натижани кўрсатиб Осиёда энг кучли атлет сифатида тан олинди ҳамда ХХХI ёзги Олимпиада ўйинларига лицензияни қўлга киритди.
Умид қиламизки, Рустам ҳам Ўзбекистон делегациясига медал тақдим этади.
Фурқат Юсупов
Манба: KRuz.uz
