«Вест Хэм» клубининг бош мураббийи Славен Билич АПЛ 1-турида «Челси» (1:2) клубига мағлуб бўлганидан сўнг, ўйин ҳақида ўз фикрларини баён қилди.

«Бундай мағлубиятлардан сўнг тушкунликка тушасан. Дастлабки 15 дақиқа давомида «Челси» ҳужумкор ўйнади, бироқ биз ўйинни тенглаштира олдик. Ҳисоб 1:1 бўлганидан сўнг эса яхши ўйнадик. Аммо ўйин якунидаги оддий хато бизга қимматга тушди. Майдон марказида тўпни олдириб қўйдик, натижада «Челси» тезкор ҳужум уюштириб гол урди.

Диего Коста ва Адриан тўқнашуви? Диегода сариқ карточка бор эди. Албатта у тўпга ўйнаш илинжида қалтис ҳаракат қилди, дарвозабонга атайин сакрамади. Ҳакам уни четлатиши мумкин эди, бироқ мен бундан эмас, балки ўйин якунида ўтказилган голдан хафаман» - деди Билич BBC хабарида.