«Барселона» бош мураббийи Луис Энрике Испания суперкубогида «Севилья» (3:0, 2:0) клубини икки ўйин натижасига кўра мағлуб этгач, мусобақа ҳақида ўз фикрларини баён этди.

«Суперкубок нимага керак? Чемпионатда ҳам, кубокда ҳам бир жамоа ғолиб чиқса, суперкубокни ўтказишдан маъно йўқ.

Бизнес эканини тушуниб турибман, аммо спорт нуқтаи назаридан бунда маъно кўрмаяпман» - деди Луис Энрике.

Испаниялик мутахассис «Севилья» клубига қарши жавоб ўйини Испания примераси стартига жуда яқин вақтда ўтказилганидан норози эди. Эслатиб ўтамиз, «Барселона» Испания чемпионатининг дастлабки ўйинида шанба куни «Бетис» билан куч синашади.