«Манчестер Юнайтед» бош мураббийи Жозе Моуринью жамоа ярим ҳимоячиси Поль Погба «Саутгемптон»га қарши ўйинда майдонга тушиши мумкинлигини таъкидлаб ўтди.

«Лестер»га қарши ўйинда майдонга Погбага нисбатан камроқ машғулот ўтказган бир неча нафар футболчиларни туширгандим. Футболчилар Евро-2016 ва таътилдан энди қайтиб, бир ҳафта шуғулланишди ва ўйинда иштирок этишди. Албатта, улар ўзларининг бор имкониятларини кўрсата олишмади, ҳали 90 дақиқа ўйнашга тайёр эмаслар. Лекин майдонга тушиб, ўзларини кўрсатишди. Бу формани тиклашнинг яхши йўли.

Поль 10-11 кундан бери машғулотларда иштирок этмоқда. Унинг жамоага мослашиши осон кечади. Ахир у ўз жамоасига қайтди. У барчани яхши танийди. Мослашиш учун унга вақт керак эмас, у формасини яхшилаш учун вақт талаб этилади. Ҳа, у баҳсга тайёр, аммо 90 дақиқа эмас.

У суперўйин кўрсатадими? Ундай эмас. Лекин у жамоанинг ўйин услубига мослашиш жараёнини тезлаштириши мумкин», – дейди Моуриньо.