“Бухоро” – “Қўқон-1912” учрашувидан сўнг ўтказилган матбуот анжуманида жамоамиз катта мураббийи Сергей Ковшов иштирок этди.

– Бухоро халқини бугунги чиройли ғалаба билан табриклаймиз. Учрашувдаги иккинчи голдан сўнг футболчиларимиз ўзларини йўқотиб қўйишди. Бўлимлар оралиғида биз футболчиларимизни руҳлантиришга ва ҳали ҳеч нима йўқотилмаганини уқтиришга ҳаракат қилдик. Озми-кўпми бу ўз таъсирини ўтказди ва йигитлар охиригача курашишди. “Бухоро” таклиф этган легионер анча маъкул булди, анча ҳаракатчан йигит экан, гол ҳам уришга муваффақ бўлди.

Кеча ўз туғилган кунини нишонлаган Тачмурод Агамуродовни табриклайман.