«Насаф» - «Пахтакор» (2:1) ўйинидан сўнг ўтказилган матбуот анжуманида тошкентликларнинг бош мураббийи Григорий Колосовский ўз фикрларини баён этди.
Колосовский: "Бугун рақибга ўзимиз совға тақдим этдик. Кераксиз жойда қизил карточка ишлаб олдик. "Насаф" яхши жамоа, савияли ўйинчиларга эга. Рақиб ўйинчиси футболчимизни урган ҳолатда ҳакам мезбонлар аъзосини четлатиши мумкин эди. Ўйин охирида вазиятлардан фойдаланмадик. Зарба беришга уринишлар бўлди, аммо булар самара келтирмади. Мезбон жамоа мураббийлар штабидан маданиятлироқ бўлишни сўрайман. Футболчиларга шиддатлироқ ўйин кўрсатишга имкон бериш лозим. Халқаро майдонларда бизга шундай хусусият керак бўлади"
