«ПСЖ» бош мураббийи Унаи Эмери ярим ҳимоячи Блез Матюиди жамоани тарк этиши мумкинлиги ҳақидаги хабарларга муносабат билдирди.
«Мен Матюиди билан гаплашдим. Мен ундан тўла қониқяпман, у эса Парижда ўзини бахтиёр ҳис қиляпти. Биз бир-биримизни яхши тушуняпмиз. Умид қиламизки, Блез бундан кейин ҳам «ПСЖ» шарафини ҳимоя қилади», — деди мураббий.
«Мен мавсумни қўл остимда бор футболчилар билан давом эттиришни истайман. Менинг нуқтаи назарим кундек равшан — Матюиди жамоада қолишини хоҳлайман», — дея қўшимча қилди Унаи Эмери.
Маълумот учун, 29 ёшли франциялик футболчи «ПСЖ»да 2011 йилдан бери тўп суриб келади. Унинг парижликлар билан амалдаги шартномаси 2017/18 йилги мавсумгача амал қилади.
