«Бавария» бош мураббийи Карло Анчелотти Германия Кубоги 1/32 финали доирасидаги «Карл Цейсс»га қарши ўйиндан сўнг ўз фикрларини билдириб ўтди. 

Эслатиб ўтамиз, мазкур учрашувда «Бавария» 5:0 ҳисобида ғалаба қозонди, жамоа ҳужумчиси Роберт Левандовски хет-трикка эришди. 

«Биз ўз ғояларимизни яхши рўёбга чиқара олдик. Тезкор гол урдик ва ўйиннинг боришини назорат қилиб турдик. Мамнунмиз», — деди Анчелотти. 

«Мен Матс Хуммельсга бироз дам олиш учун имкон бердик. У «Боруссия»га қарши ўйинда бутун 90 дақиқа давомида ўйнаган эди», — деди италиялик мутахассис. 

«Хави Мартинесга келадиган бўлсак, у ўзига юклатилган вазифани яхши уддалади», — дея қўшимча қилди «Бавария» бош мураббийи Карло Анчелотти.