Ўзбекистон ҳамда Буркина-Фасо терма жамоалари ўртасида 24 август куни бўлиб ўтадиган ўртоқлик учрашуви чипталари сотувга чиқарилди.
Чипталар икки тоифада чиқарилган бўлиб, 1-тоифа чипталар нархи 15 минг сўм, CIP тоифасидаги чипталар нархи эса, 30 минг сўм қилиб белгиланган. Мазкур учрашув чипталарини “Пахтакор” стадионига тегишли кассалар орқали ҳарид қилиш мумкин.
Эслатиб ўтамиз, Жаҳон чемпионати учинчи саралаш босқичи баҳсларига тайёргарлик кўраётган Ўзбекистон миллий терма жамоаси учун, мазкур ўйин Сурияга қарши илк тур учрашувидан олдинги сўнгги ўртоқлик учрашуви ҳисобланади. Аввалроқ хабар берилганидек, Ўзбекистон ҳамда Буркина-Фасо терма жамоалари ўртасидаги ўртоқлик учрашуви 24 август куни Тошкентдаги "Пахтакор" стадионида бўлиб ўтади. Учрашув соат 20:00да бошланади.
