«Реал Мадрид» бош мураббийи Зайниддин Зидан Испания чемпионати 1-туридан ўрин олган «Реал Сосьедад»га қарши ўйин олдидан жамоа етакчилари ҳақида фикр билдириб ўтди. 

«Бэйл ҳар доим жамоани ўз ортидан эргаштира олади. У «Реал»нинг муҳим ўйинчиларидан бири ва буни ўтган мавсум исботлай олди. У шу руҳда давом этади, деб ўйлайман. У «Реал» билан бирга тарих ёзишни истамоқда. Бу Гарет ва бошқалар учун жуда муҳим йил бўлади», — деди Зидан. 

«Роналду ва Бензема қачон таркибга қайтишини ҳозир аниқ айта олмайман. Криштиану тўп билан машғулотларни бошлади, бу яхши белги. У имкон қадар тезроқ сафга қўшилмоқчи. У машғулотларга киришганидан хурсандман», — деди Зидан. 

«Карим билан вазият бироз бошқачароқ. У югуриш машқларини бошлади. У бир сафга қайтиб, бир жароҳат олиб юришини хоҳламайман. Унинг 100 фоиз соғайиб кетишини кутамиз. Биз бошқа футболчиларга нисбатан ҳам шундай муносабатда бўламиз», — деди Зидан.