Ҳужумчи Кристиан Бентеке ғалати вазиятга тушиб қолди.
Футболчининг Twitter’даги саҳифасида унинг «Бёрнли» футболчисига айлангани ҳақида ахборот пайдо бўлди, ваҳоланки у «Ливерпуль»дан «Кристал Пэлас»га ўтган эди.
Кейинроқ футболчи унинг Twitter’даги саҳифасини юритишга масъул бўлган шахс хатога йўл қўйганини таъкидлаб ўтди.
«Вой! Ҳа, мен «Бёрнли» билан эмас, «Кристал Пэлас» билан шартнома имзоладим. Кичик хатолик учун узр. Twitter’имга масъул шахс бироз адашибди», — деб ёзди бельгиялик футболчи.