«Манчестер Юнайтед» бош мураббийи Жозе Моуринью ярим ҳимоячи Маруан Феллайни билан бу йил ёзда хайрлашмоқчи эмаслигини маълум қилди.
«Феллайни ажойиб ўйин кўрсатяпти. Унга нисбатан муносабатлар тубдан ўзгарди ва мен кўрсатилаётган натижадан мамнунман», — деди португалиялик мутахассис.
«Балки бу ўзига нисбатан муносиб баҳо берилмаётган, трансфер ойнаси очилганидан бери жамоадан кетиши тахмин қилинаётган, ҳамма бир овоздан: «У Моуриньюга мос эмас», деб айтаётган футболчига қилинган оддий қўнғироқ самарасидир», — деди Моуринью.
«Эҳтимол, мен «Манчестер Юнайтед» бош мураббийи этиб тайинланганимдан кейинги оддий бир қўнғироқ ҳаммасини ўзгартириб юборгандир. Мен Феллайнига қўнғироқ қилиб, ўқиган барча янгиликларини эсдан чиқариши кераклигини айтдим. Мен мураббий эканман, у ҳеч қаерга кетмайди», — деди Моуринью.
