«Уотфорд» бош мураббийи Вальтер Маццари «Челси» бош мураббийи Антонио Контега қандай муносабатда эканлигини айтиб ўтди. 

«Дўстлик — жуда муҳим жиҳат. Мен Контени мураббий ва шахс сифатида ҳурмат қиламан. Мен унга ҳурмат билан муносабатда бўламан, бироқ дўстлик — бу бошқа нарса», — деди Маццари. 

«Шунга қарамай, биз албатта бир-биримизга қўл бериб кўришамиз. Биз мавсум старти олдидан бўлиб ўтган мураббийлар учрашувида ҳам қўл бериб кўришган эдик», — деди «Уотфорд» устози.

«Ҳеч қандай муаммо йўқ, бироқ, яна бир бор қайтараман — мен учун дўстлик жуда муҳим тушунча. Дўстларим эса жуда ҳам кам», — деди Маццари.