«Сток Сити» бош мураббийи Марк Хьюз қўл остидаги жамоанинг АПЛ 2-турида «Манчестер Сити»га қарши кўрсатган ўйини борасида ўз фикрларини билдириб ўтди.
Эслатиб ўтамиз, мазкур учрашувда «Сток Сити» йирик — 1:4 ҳисобида имкониятни бой берди. Учрашув бош ҳаками ўйин давомида иккита баҳсли пенальти белгилади.
«Ўйиннинг аксарият вақти давомида ёмон ҳаракат қилмадик. Бугун ва эртага ҳамма-ҳамма ҳакам белгилаган икки пенальтини муҳокама қилади», — деди Марк Хьюз.
«Биз ҳужумда яхши ўйнадик, иккинчи голни эса ҳимоячиларнинг хатоси сабаб ўтказиб юбордик. Ҳозир хафсаламиз жуда пир бўлган», — дея қўшимча қилди Марк Хьюз.
