«Манчестер Сити» бош мураббийи Хосеп Гвардиола АПЛ 2-турида «Сток Сити» устидан қозонилган ғалабага муносабат билдирди.
Эслатиб ўтамиз, «Манчестер Сити» меҳмонда тўп суришига қарамай, йирик — 4:1 ҳисобида ғалаба қозонди. Ўйинда ҳужумчилар Серхио Агуэро ва Нолито дублга эришди.
«Жамоам ўйинчилар қанчалик яхши эканини англаб турибман. Ўзимни омадли инсон деб ҳисоблайман, чунки жамоамизда ақлбовар қилмас даражада сифатли футболчилар жамланган», — деди «Манчестер Сити» устози.
«Бугун биз мавсумнинг энг оғир сафар ўйинларидан бирини ўтказдик. Иккинчи таймда кўплаб қулай вазиятларни юзага келтирдик, бироқ ҳал қилувчи зарбани бера олмадик. Ҳаммаси жойида, ўсишда давом этамиз», — дея қўшимча қилди Гвардиола.
