«Арсенал» бош мураббийи Арсен Венгер Лондон клуби мос футболчи учун катта миқдорда пул сарфлашга тайёр эканини маълум қилди. 

«Мен айтгандим — агар шунга арзийдиган футболчини топа олсам ва шунча пулим бўлса, 300 миллион фунтга футболчи сотиб оламан», — деди Венгер.

«Ёдингиздан чиқарманг — клубимизда 600 га яқин ходим меҳнат қилади ва биз улар олдида ҳам маълум бир масъулият ҳис қиламиз», — деди «Арсенал» устози. 

«Ўйинлардан сўнг биз футбол ҳақида эмас, пул ҳақида гаплашаётганимизга шунчаки ҳайрон қолса бўлади. Футболчиларни ҳурмат қилиш керак. Агар биз жамоамизни кучайтира оладиган футболчини топа олсак, унинг учун пул сарфлаймиз», — деди Венгер. 

«Ишқибозлар матбуотнинг кучли босими остида қолган ва бу бугунги кундаги жараённинг бир қисми. Биз тўғри қарорлар қабул қилишга ҳаракат қиламиз. Ҳаммаси шундай оддий», — дея қўшимча қилди «Арсенал» устози.