«Ювентус» бош директори Беппе Мароттанинг маълум қилишича, ҳужумчи Симоне Дзадза ёзги трансфер ойнаси ёпилгунига қадар жамоани тарк этиши эҳтимоли катта. 

«Биз Дзадза билан гаплашиб олдик. Трансфер — бу жазо эмас, бироқ бошқа бир жамоада у, шубҳасиз, кўпроқ ўйин амалиётига эга бўлади», — деди Маротта. 

«Вольфсбург» билан боғлиқ ғоя бор эди, бироқ ҳаммаси йўққа чиқди. Трансфер ойнасининг ёпилишигача ҳали 10 кун бор, шу сабабли унга янги жамоага топишга бемалол улгурамиз», — дея қўшимча қилди Маротта. 

Telelombardia ахборотига кўра, «Наполи» ва «Милан» клублари Италия терма жамоасининг аъзоси ҳисобланган 25 ёшли Симоне Дзадзага қизиқиш билдирмоқда.