Олий лиганинг 20-турида Ғузорнинг "Шўртан" жамоаси ўз майдонида Наманганнинг "Навбаҳор" жамоасини қабул қилади. Бу ўйиндан олдин "Шўртан" футболчиси Ҳасанбой Эргашев ўз фикрларини баён қилди.
Ҳасанбой ЭРГАШЕВ ("Шўртан" футболчиси): "Навбаҳор"га қарши ўйин қийин кечиши аниқ. Наманганликларга қарши ўйинда ғалаба қозонсак, мусобақа жадвалида юқорироққа кўтарилишимиз мумкин. Биринчи даврадаги ўйинни эсга олсак, ўшанда жамоамиз мезбонларга нисбатан яхши ўйин кўрсатганди. Барибир омад "Навбаҳор"га кулиб боққан эди. Ўша мағлубият учун аламимизни албатта оламиз!
