Рио–2016 Олимпия ўйинларида Ўзбекистон терма жамоасига 4 та олтин медалдан учтасини боксчилар – Ҳасанбой Дўстматов (-49 кг), Шаҳобиддин Зоиров (-52 кг) ҳамда Фазлиддин Ғоибназаров (-64 кг) олиб келди.

Ўзбекистон бокс терма жамоаси мураббийи Раҳматжон Рўзиохунов учала Олимпиада чемпионини ўз елкасида кўтариб, шогирдларининг қувончига шерик бўлди.

Эслатиб ўтамиз, Ўзбекистон терма жамоаси Рио—2016 Олимпиадасида жами 4 та олтин, 2 та кумуш ва 7 та бронза медалини қўлга киритиб, тарихда илк марта дунёда 21, Осиёда 4, МДҲда 2, Марказий Осиёда 1-ўринни эгаллади.