«Монреаль» ҳужумчиси Дидье Дрогба ўзининг «Астон Вилла»га ўтиши мумкинлиги ҳақидаги хабарларни ҳаққоний эмас деб атади. 

Жорий мавсум чемпионшипда иштирок этаётган бирмингемликларнинг хўжайини аввалроқ юқори малакали ҳужумчи билан келишувга эришганини маълум қилган эди. 

«Вилла»нинг бош мураббийи Роберто Ди Маттео Дрогба билан яхши таниш — улар «Челси»да бирга фаолият олиб борган. 

«Ҳозиргина Монреалдаги машғулотлардан қайтдим ва бугун Бирмингемда бўлганим ҳақидаги миллионлаб хабарларни кўриб, ҳайрон қолдим», — деб ёзди Дрогба Twitter’даги саҳифасида. 

38 ёшли ивуарлик МЛСнинг жорий мавсумида 15 учрашувда майдонга тушиб, 8 та гол уришга муваффақ бўлди.