«Валенсия» бош мураббийи Пако Айестаран «Лас-Палмас»га қарши Испания чемпионати 1-тур учрашувидан сўнг ҳимоячи Шкодран Мустафи ва ҳужумчи Пако Алькасернинг жамоадан кетиши эҳтимоли ҳақида фикр билдирди.
«Мустафи сотилмайди, у жамоадан кетмайди», — деди Айестаран.
«Алькасер билан боғлиқ вазиятга ҳам Мустафиники каби ишонаман. «Валенсия» президенти Лей Хун бу борада фикр билдириб бўлди», — деди Айестаран.
«Клуб президенти омма олдида айтди — Алькасер ва Мустафи сотилмайди. Мен унга ишонишим керак», — дея қўшимча қилди Айестаран.
