«Реал Мадрид»нинг 17 ёшли ярим ҳимоячиси ижара ҳуқуқи асосида «Ренн»га ўтмайдиган бўлди.
Аввалроқ клублар норвегиялик футболчининг трансфери борасида амалда келишиб олгани ҳақида хабар берилган эди.
Бироқ, «Ренн» президенти маслаҳатчиси Микаэль Сильвестрнинг сўзларига кўра, трансфер амалга ошмайдиган бўлган.
Гап шундаки, ФИФА қоидаларига кўра, 18 ёшга тўлмаган футболчиларни бошқа мамлакат жамоаларига ижарага бериш мумкин эмас.
«Реал» бу масалада таваккал қилишни истамади, чунки клуб ҳали ҳам трансферлар амалга ошириш ҳуқуқидан маҳрум этилиш таҳдида остида турибди.