«Лестер Сити» бошқаруви раиси ўринбосари Айяватт Шриваддханапрабханинг маълум қилишича, клуб раҳбарияти янги натижаларга эришиш учун қўшимча маблағ сарфлашга тайёр.
Мавсум оралиғида «Лестер»ни ярим ҳимоячи Н’Голо Канте тарк этди, ҳужумчи Аҳмад Муса, ярим ҳимоячилар Нампали Менди ва Бартош Капустка, ҳимоячилар Луис Эрнандес ва дарвозабон Рон-Роберт Цилер жамоага қўшилди.
«Жамоанинг бир қатор етакчилари янги узоқ муддатли шартномалар имзолади, бундан хурсандмиз. Клуб раҳбарияти, агар зарурат бўлса, жамоани кучайтириш учун қўшимча сармоя киритишга тайёр», — деди Шриваддханапрабха.
