Олий лига дебютанти — "Обод" 20-тур доирасида ўз майдонида "Металлург"ни қабул қилди.

Жамоалар қизиқарли ўйин намойиш қилиб беришди. Биринчи бўлимнинг 38-дақиқасида мезбонлар дарвозаси томон пенальти белгиланди. Аюбхон Нўъмонов аниқ зарба билан ҳисобни очди.

Иккинчи бўлимда Мочинов шогирдлари ҳужумкорликни оширишди ва ҳисобни тенглаштиришга муваффақ бўлишди. Захирадан майдонга тушган жамоа тўпурари Шоҳруз Норхонов бекободликлар дарвозасини ишғол қилди.

Ушбу дурангдан кейин "Металлург" ўз очколарини 36тага етказиб олди. "Қизилқум" ушбу турда ғалаба қозонса, бекободликларни ортда қолдириши мумкин. "Обод"нинг очколари 12тага етди, бироқ жамоа ҳамон сўнгги ўринни банд этиб турибди.

Олий лига, 20-тур
"ОБОД" - "МЕТАЛЛУРГ" - 1:1 (0:1)
Голлар: Шоҳруз Нирхонов (63) — Аюбхон Нўъмонов (38-пенальти)
"Обод": Дилшод Ҳамроев, Анвар Ғофуров, Ғайрат Умиров, Фарҳод Мирааҳматов, Сардор Қаҳҳоров, Алишер Мирзаев (Шоҳруз Норхонов 39), Сардор Собирхўжаев (Санжар Рихсибоев 75), Хуршид Ғиёсов, Павел Соломин, Дониёр Ҳасанов, Алишер Шоғуломов (Аброр Хусинов 54).
"Металлург": Суҳробжон Султонов, Ҳикмат Ҳошимов, Дилмурод Каримов, Дониёр Одилов, Аюбхон Нўъмонов, Жавоҳир Эсонқулов, Давронбек Каримқулов, Зоҳид Абдуллаев (Саиджон Абдужабборов 75), Муроджон Тошматов (Эргаш Исмоилов 80), Шерзод Жалилов, Жаҳонгир Абдумўминов (Фарҳод Намозов 65).
Бош ҳакам: Вадим Агишев (Тошкент).
Қанот ҳакамлари: Ришат Нугмонов (Тошкент), Сервер Еремеев (Тошкент).
Захирадаги ҳакам: Р.Абдувоҳидов (Қарши).
Назоратчи: Игорь Нехочин (Наманган).
ЎзПФЛ вакили: Бобур Ҳайдаров.