«Лестер Сити» бош мураббийи Клаудио Раньери Чемпионлар лигаси гуруҳ босқичига ташланган қуръа натижалари тўғрисида ўз фикрини баён қилди. Унда Англия клубига «Порту», «Брюгге» ва «Копенгаген» рақиб бўлди.
«Футболчиларим ва Лестер шаҳри учун хурсандман, Чемпионлар лигасини орзиқиб кутяпмиз. Футболчиларим ушбу мусобақада қандай иштирок этишини кўриш мен учун қизиқ. Яна бир бор айтаман, биз аутсайдермиз. Шунинг учун ҳам бор кучимизни сарфлаб ўйнашимиз керак. Энг яхши клубларга қарши ўйинларда футболчиларим жанг қилиши керак» - деди Раньери Leicester Mercury хабарида.
