Англиянинг "Вест Хэм" клуби Европа лигасининг гуруҳ босқичидан қуруқ қолди. Славен Билич шогирдлари икки ўйин натижасига кўра Руминиянинг "Астра" клубидан мағлубиятга учради.

Сафарда ўтган дастлабки ўйинда "Вест Хэм" 1:1 ҳисобида дуранг натижани қайд этиб, кейинги босқичга чиқиш учун яхши имкониятга эга эди. Бироқ жавоб ўйинида ўз дарвозасидан гол ўтказиб юборгани ҳолда, рақиб ҳимоясини ёриб ўтолмади. Натижада "Вест Хэм" учун еврокубок мавсуми ниҳоясига етди.

"Вест Хэм" Англия – "Астра" Руминия 0:1 (дастлабки ўйин 1:1)
Гол: Филипе Тейшейра (45)
Вест Хэм – Рэндолф, Байрэм, Рид, Огбонна, Берк (Коллинз, 88), Антонио, Нордтвейт (Валенсия, 46), Обианг, Куяте, Тере, Кальери (Флетчер, 61).
Астра – Лунг, Жералду Алвеш, Фабрисио, Жуниор, Сэпунару, Сето, Ионицэ (Стан, 75), Ловин (Флоря, 88), Филипе Тейшейра, Никулае (Орош, 58), Алибек.
Огоҳлантиришлар: Рид (27), Жуниор (54), Лунг (69), Коллинз (90).