«Реал» ҳужумчиси Криштиану Роналду Чемпионлар лигасида Лиссабоннинг «Спортинг» клубига қарши бўладиган ўйинларга изоҳ берди. Футболчи айнан «Спортинг» тарбияланувчиси ҳисобланади.
«Спортинг» клубига қарши ўйин мен учун катта аҳамиятга эга, у мен учун қадрдон жамоа. Ҳозир уларда яхши жамоа шаклланган. «Спортинг»га қарши ўйнаш мен учун шараф.
«Боруссия» билан ўйнаб, унга мағлуб бўлгандик. Бу жуда кучли рақиб. Дортмунд мухлислари уни қаттиқ қўллаб-қувватлаб туришади.
«Легия»га қарши ўйнамаганман ва бу жамоа ҳақида билмайман. Умид қиламанки, нохуш сенсация бўлмайди ва унга қарши икки ўйиндаям ғалаба қозонамиз» - деди Роналду.
