«Манчестер Сити» бош мураббийи Хосеп Гвардиола Европа чемпионлар лигасининг гуруҳ босқичи доирасида «Барселона»га қарши кечадиган сафар ўйини борасида ўз фикрини билдириб ўтди.
«Яширмайман, Барселонага қайтиш – мен учун муҳим воқеа. Мен у ерда улғайдим, 13 ёшимдан бошлаб футбол ўйнадим. Ҳаётимнинг катта қисмини мен у ерда ўтказдим. Мен жамоадаги инсонларни, клубни, матбуотни ва кўп ўйинчиларни яхши биламан.
Мен бундай ҳиссиётни "Бавария" бошқарувида бошдан кечирдим. Биринчи марта бундай ҳолат ҳаяжонли бўлади. Иккинчи марта — бу иккинчи марта, кейин эса ҳаммаси оддий ҳолга айланади», – дейди Гвардиола.