«Рома» бош мураббийи Лучано Спаллетти Европа лигаси гуруҳ босқичига ташланган қуръа натижаларига изоҳ берди.
«Биз еврокубокларда муқим ўрнашиб олишимиз лозим. Баъзилар Европа лигасидаги пулларни кам деб ҳисоблашади, бироқ чоракфиналдан бошлаб мукофотлар Чемпионлар лигаси билан бир хил.
Гуруҳимиз текис, тенг кучли жамоалардан иборат. «Виктория» сўнгги икки чемпионатда ғолиб чиққан, улар 3 йил бурун «Наполи» клубини мусобақадан чиқариб юборган. «Аустрия» эса «Русенборг»ни мағлуб этди. «Астра» Англиянинг «Вест Хэм» клубидан устун келди. Буларга қарши ўйинлар осон кечмайди» - деди Спаллетти клубнинг расмий сайтида.
